Дикий Арманның қамауда ұстау мерзімі ұзартылды

ҚР Бас прокуратура Арман Жұмагелдиевті қамауда ұстау мерзімін 7 сәуірге дейін ұзартқанын хабарлады.

Ол Қылмыстық кодекстің үш бабы бойынша қылмыс жасады деген күдікке ілінген:

• 126-баптың 3-бөлігінің 3-тармағы – «Абайсызда жәбірленушінің өліміне немесе өзге де ауыр зардаптарға әкеп соққан бас бостандығынан заңсыз айыру»;
• 272-баптың 2-бөлігі – «Зорлық-зомбылықпен, қырғынмен, өрт қоюмен, мүлікті жоюмен, атыс қаруын, жарылғыш заттарды немесе жарылғыш құрылғыларды қолданумен, сондай-ақ билік өкіліне қарулы қарсылық көрсетумен ұштасқан, оның ішінде шетелдік көздерден алынған қаражатты пайдалана отырып, тәртіпсіздіктерге қатысу»;
• 287-баптың 4-бөлігі - «Адамдар тобының алдын ала келісім бойынша немесе бірнеше рет атыс қаруын, оқ-дәрілерді, жарылғыш заттарды заңсыз алу, беру, өткізу, сақтау, тасымалдау немесе алып жүру».

Еске салсақ, 7 қаңтарда Дикий Арманның ұсталғаны белгілі болған. Онымен бірге тағы бес адам ұсталған. Ұстау кезінде күдіктілерден әртүрлі маркалы және калибрлі төрт жартылай автомат, оқ-дәрі, суық қару және брондалған көлік тәркіленді.

14 наурыз Бас прокурор Берік Асылов Алматыда Дикий Арманның қылмыстық тобы ұрлап кеткен 24 адамды азаптады деген алты ҰҚК қызметкері күдікке ілінді. Салдарынан бір адам қаза болған.