«Дикий Арманның» адвокаттары прокуратура таққан айыпқа жауап берді

«Дикий Арман» лақап атымен танымал Арман Жұмгелдиевтің адвокаттары Бас прокуратураның мәлімдемесіне жауап берді. Олар «тергеу құпия болғанымен, өздері ақпарат жариялады» дейді.

Олардың айтуынша, құзырлы органдар оларға тергеудің мән-жайын таратпау жөнінде құжатқа қол қойдырмақшы болған. Бірақ прокуратура өкілдерінің өздері тергеудегі құпия ақпаратты жариялаған.

Адвокаттардың айтуынша, олар мұндай деректі алғаш рет естіп отыр. Қылмыстық қудалау органы қаулысында Арманға мұндай айыптар тағылмаған.

«Біз Бас прокуратураны сәйкес процессуалдық шараларсыз Жұмагелдиев Арманға қатысты жалған айыптар тағып, БАҚ пен қоғамды жаңылдырды деп санаймыз. Бұл тергеудің тек біржақты, айыптау мақсатында ғана жүріп жатқанын көрсетеді» деді адвокат Талғат Есімов.