«Дикий Арман» жеңіліп қалған боксшыларға 2 мың доллардан үлестірді

Желіде қазақстандық «Дикий Арман» лақап атымен танымал криминалдық авторитет Арман Жұмагелдиев Белградта өткен бокстан әлем чемпионатында жүлдесіз қалған спортшыларға ақша таратып жатқан видео пайда болды.

Бұл туралы Orda.kz хабарлайды.

Instagram желісіндегі megapolis.kz парақшасында жарияланған видеода криминалдық авторитет жеңілген споршыларға ақша беріп жатқаны байқалады.

– Біздің Мәдениет және спорт министрлігі қандай дәрежеге түскен? Криминалдық авторитеттің өзін министр сияқты ұстауы ұят. «Дикий Арман» бокстан әлем чемпионатында жеңілген спортшыларға 2 мың доллардан берді, - делінген бейнежазбаның сипаттамасында.

Желі қолданушылары Арман Жұмагелдиевтің бұл әрекетін жоғары бағалап, пікір қалдырып, алғыстарын жаудырды.