«Дикий Арманға» араша түскен Артаев қызметінен кетті

Олимпиада чемпионы, Вэл Баркер кубогының иегері Бақтияр Артаев Қазақстан бокс федерациясының вице-президенті және мемлекеттік жаттықтырушы қызметінен кетті.

Бұл ақпаратты ҚазАқпарат тілшісіне Бақтияр Артаевтың өзі растаған.

Мен өзімнің отставкаға кеткенімді растаймын. Бірақ себебі туралы әзірге ештеңе айта алмаймын, - деді Артаев.

Артаев Бақтияр Ғарифулаұлы, Тараз қаласының тумасы, бокстан Қазақстан Республикасының еңбек сіңірген спорт шебері. 2004 жылғы XXVIII Жазғы Олимпиада ойындарының Афина Олимпиадасының чемпионы, Баркер кубогының иегері, 2005 жылғы әлем чемпионатының қола жүлдегері.