Деректерді талдау: туризм саласын зерттейтін орталық ашылды

Халықаралық туризм және қонақжайлылық университетінде (IUTH) ғылыми-зерттеу орталығы ашылды, деп хабарлайды Orda.kz.

Ол бірінші кезекте туризм саласындағы қолданбалы ғылыми жобаларды жүзеге асырумен айналысады, бұл жобаларды нақты экономика секторын коммерцияландыру арқылы тәжірибеге енгізуге болады. 

Орталық қызметкерлері Қазақстанға Tripadvisor платформасында тұру (қонақ үйлер мен хостелдер), тамақ және сусындар (Food and Beverage), келген туристер баратын жерлерге (Attractive places) талдау және статистикалық модельдеу әдістерін қолдана отырып мәтіндік талдау (text analysis) жүргізеді.  

Қазақстандағы туризм саласының жай-күйі айқындалып, туризмді дамыту деңгейін арттыру бойынша ұсыныстар жасалып жатыр.

Сонымен қатар, зерттеу жұмысы барысында анықталатын туристік зерттеулер, кері байланыстар, ұсыныстар мен қажеттіліктер негізінде ішкі және халықаралық маршруттар бойынша нақты жоспарлар мен туристік ұсыныстар әзірленбекші.