«Елбасы ренжімейтін шығар»: Нұр-Сұлтансыз өмір басталмақ

Әзірге атауы ауысып үлгермеген Нұр-Сұлтан қаласында елорданың атын кері қайтару мәселесі төңірегінде қоғамдық тыңдау өтті. Қала қоғамының мүшелері тағы бір рет атауды ауыстыруды қолдады.

— Елордаға бұрынғы Астана аты қайта берілу керек. Десе де, біз бірінші президент Нұрсұлтан Назарбаевтың зор үлесін ұмытпауымыз керек, – деді президент жанындағы Ұлттық құрылтай мүшесі Кәрімбек Құрманалиев.

Оны «Елбасы ренжімейді» деп мәлімдеген тарих ғылымдарының докторы Бүркітбай Аяған да қолдады.

— Біз бірінші президентке ризамыз, бірақ атаудың өзі асығыс болған шығар… Ономастикалық комиссия Астана қаласына оралу туралы біздің ұсынысымызды егжей-тегжейлі қарап, оның талаптарға сай келетінін және ең бастысы — қоғамды біріктіруге мүмкіндік беретінін байқады. Себебі біз бөлінуді көріп отырмыз. Менің ойымша, Нұрсұлтан Әбішұлы да түсінетін шығар, және ол ренжімейді деп ойлаймын, - деп атап өтті Аяған.

Елорда мәслихатының хатшысы Ерлан Каналимов Астана атауын өзгерткені үшін қала тұрғындарынан кешірім сұрауға дайын екенін мәлімдеді.

— Сіздер қазір осы шешіммен келіспегендердің алдында қаланың атын өзгерту үшін кешірім сұрау туралы айттыңыздар. Алайда, қазір біз тарихи әділеттілікті қалпына келтіруге және қалаға бұрынғы атауын қайтаруға дайынбыз. Егер біз бүгін осы шешімді қабылдайтын болсақ, менің ойымша, бұл кешіріммен тең. Егер бөлек кешірім қажет болса, біз оларды да сұрауға дайынбыз. Алайда, егер шешім қабылданса, онда мұндай қажеттілік болмайды деп ойлаймын, – деді Каналимов.

Сондай-ақ, ол 2019 жылы елорданың атауын өзгерту қала бюджетіне 30 млн теңгеге түскенін айтты. Каналимов сендіргендей, ескі атауды қайтару цифрлық құжат айналымының арқасында арзан болады. 

Сондай-ақ, қазақстандықтардың басым көпшілігі Астанаға бұрынғы атауын қайтаруды жақтағаны атап өтілді.

Қыркүйек айында президент Тоқаевтың жолдауынан кейін мәжіліс депутаттары астанаға бұрынғы атауын қайтаруды ұсынды. Олар өз бастамаларын мемлекет басшысына жазған хатында баяндап берді.

Бұған дейін Қазақстан астанасы өз атауын бес рет өзгерткен болатын. 1832 жылы қала Ақмола деп аталды, 1961 жылы Целиноград деп аталды, 1992 жылдан бастап елорда Ақмола деп аталды, 1998 жылы қала Астана болды, ал 2019 жылы Қасым-Жомарт Тоқаев ел астанасын Нұр-Сұлтан деп атау туралы жарлыққа қол қойды.