Депутат ядролық сынақтан зардап шеккендерге қатысты ұсыныс айтты

Мәжіліс отырысында ЖСДП фракциясының депутаты Нұрлан Әуесбаев 40 жыл ішінде Семей полигонында 468 ядролық сынақ жүргізілгенін айтты.

Депутат жарылыстардың қуаты Хиросимаға тасталған бомбаның қуатынан 2500 есе асып түскенін және аймаққа орны толмас экологиялық залал келтірілгенін атап өтті.

«Бізде әлі күнге дейін шешімін таппаған мәселелер бар. Өкінішке қарай, елімізде полигоннан зардап шеккендердің саны туралы нақты деректер жоқ. Әр түрлі бағалаулар бойынша 1,5 миллионнан астам адам зардап шекті. Полигонға жақын орналасқан елді мекендердің тұрғындары әлі де радиациядан туындаған аурулардан зардап шегіп жатыр. Сәуле әсері олардың ұрпақтарына әсер етеді» деді депутат.