Депутаттар ЛГБТ насихаты үшін қылмыстық жауапкершілік енгізуді ұсынды

Аманат партиясының депуататтары ЛГБТ насихаты үшін қылмыстық жауапкершілік енгізуді ұсынды, деп хабарлайды Orda.kz порталы.

Жаңа түзету «БАҚ туралы» заң жобасының салыстырмалы кестесінде пайда болды. Онда қылмыстық кодекстің 174-бабына «дәстүрден тыс сексуалдық қатынасты насихаттау» деп қосу көзделген. Мұны мәжіліс депутаттары Еділ Жаңбыршин мен Самат Мұсабаев ұсынды.

14 баптағы «Бейбіт жиындарды ұйымдастырудан» бас тарту себептерінің біріне де «дәстүрден тыс сексуал қатынасты насихаттау» деп қосу ұсынылған.

Депутаттар мұндай түзетуге «Неке туралы кодексті» негізге ала отырып, қоғам үшін дәстүрлі отбасы - еркек пен әйелдің одағы дейді.

Бұған дейін Аманат депутаттары Асхат Аймағамбетов пен Жанарбек Әшімжан «БАҚ туралы» заңға ЛГБТ өкілдері туралы жазуға тыйым салатын түзету енгізуді ұсынған еді. Жаңа тұзету БАҚ қызметін тоқтатуға немесе жабуға негіз болуы мүмкін.