Депутаттар иесіз қалған жануарларды өлтіруді көздейтін заң жобасына кірісті

Мәжілістің жалпы отырысында депутаттар «Жануарларға жауапкершілікпен қарау туралы» заңға өзгерістер мен толықтырулар енгізу туралы заң жобасына кірісті, деп хабарлайды Orda.kz порталы.

«Жануарларға жауапкершілікпен қарау, сондай-ақ бұралқы иттер және қараусыз қалған жануарлар санын реттеу үшін осы заң жобасына Мәжіліс депутаттары бастамашылық жасап, әзірледі», - деді депутат Еділ Жаңбыршин.

Заң жобасында төмендегідей нормалар:

1.Жануарларды есепке алудың бірыңғай электронды базасын орталықтандыру;
2.Жануарды уақытша ұстау орнына орналастырғанға дейін жануардың иесіне одан бас тартуға тыйым салуды белгілеу;
3.Жануардың иесіне оны далаға тастамай, уақытша ұстау орнына өткізуді міндеттеу;
Жануарлар агрессия танытып, шабуыл жасаған жағдайда жергілікті атқарушы органдардың осындай оқиғаларға шұғыл ден қою шараларын ұйымдастыру міндетін белгілеу.

Депутат заң жобасында иесіз қалған жануарларды жоюға көздейтін норма барын мәлімдеді.

«Ауруға шалдыққан, қауіп төндіретін, зооқорғаныс ұйымдары мен өзге де тұлғалар тарапынан орнастырылмаған және талап етілмеген жануарлардың санын реттеу, егер олар бұралқы иттер болса 15 күн ішінде, ал олар қараусыз қалған жануарлар болса 60 күн ішінде эвтаназия қолдану. Комитет заң жобасын жұмысқа алуға және ол бойынша қорытынды әзірлеуге дайын», - деді Еділ Жаңбыршин.