Депутат жөндеу көрмеген тас жолдар мәселесін көтерді
Мәжіліс депутаты Қарақат Әбден кеңестік кезеңнен күрделі жөндеу көрмеген Қызылорда-Жезқазған тас жолының мәселесін көтерді, деп хабарлайды Orda.kz порталы.
«Қызылорда-Жезқазған, Қарағанды-Жезқазған тас жолдарының «жыры» таусылар емес. Мысалы, қазір көктем уақытында құрылыстың нағыз қызатын әрі қолайлы уақыты. Жобалық-сметалық құжаттамамен айналысып жүргенде, жол салудың маусымы тағы да өтіп кетеді. Қызылорда-Жезқазған жолының жайы маған бала кезден таныс. Бұл мәселе сол кезде өзекті еді, қарап тұрсаңыз, қанша жыл өтсе де, «баяғы жартас – сол жартас» болып тұр», - дейді депутат.
Депутаттың сөзінше, Жезқазған - Қызылорда тасжолы бойынша мердігер компаниялардың әлі бағаланып жатыр. Құжаттардың рәсімделуі «Госэкспертиза» мен «ҚазАвтоЖол» арасында жүр. Ал Жезқазған - Қарағанды тас жолында мердігерлік компаниялар әлі қарастырылып жатыр. Демек, жолдың қашан жасалатыны беймәлім.
«Жезқазған-Қарағанды тасжолы кеңестік кезеңнен күрделі жөндеу көрмеген, жиектері әбден мүжіліп, тарылып барады. Міне, содан бұл жол «қанды жер» аталып кеткені баршаға аян. Дәл осы жолда 2023 жылы 129 жол-көлік оқиғасы тіркеліп, 167 адам дене жарақат алған, 37-сі қаза тапқан. Ал биылғы екі айда 23 жол-көлік оқиғасы болып, 37 адам жарақаттанып, екі адам мерт болды. Тас жолдың «жыры» таусылғанша, әлі қанша жан тауқымет тартады?» - деді мәжілісмен.
Ол үшінші құрылтай өткенде президент Қасым-Жомарт Тоқаев: «Жол салу және оны жөндеу жұмыстары экономиканың дамуына тың серпін береді» деп атап көрсеткенін тілге тиек етті.
«Жол болмаса, қандай серпін, қандай даму болады? Жолымыздың түрі анау болса, қандай қарқынды экономика, қандай табысты туризм күтеміз? Халықтың әл-ауқаты осы жолға байланысты. Облысаралық жолдардың сапасыздығы өңірдің дамуына, инвестицияның тартылуына кедергі, сондай-ақ жол тасымалының қиындығын себеп қылып, азық-түлік те қымбаттайды. Бұл тағы қарапайым халықтың қалтасын қағатыны белгілі. Ұлытау облысының күретамыры осы жолдар. Сондықтан президенттің артқан сенімі мен халықтың «алақайлаған» қуанышы сол жолда қалып қоймасын! Көтерілген мәселе өз шешімін табуы тиіс. Жобалық құжаттамалар әлдеқайда шешіліп, құрылыстың қазір басталып-ақ кетуі қажет еді!» - деді депутат.
Жаңалықтар
- Шымкентте ірі есірткі зертханасы анықталды
- 2025 жылдың 1 қаңтарында кімдердің зейнетақысы өседі?
- Қарағанды облысында 7 мыңнан астам сайттар бұғатталды
- «87 мың теңге»: Қазақстандықтар Республика күніне орай біржолғы төлемдер алады
- P. Diddy-дің балалары сот алдында әкесін қорғады
- Шымкентте ұрылар үй иесінің көзінше қылмыс жасады
- «Қаза болғандар бар»: Өлімге әкелетін улы бактериялар тарап жатыр
- Атырауда 23 жастағы бойжеткен қаза болды
- Тәліптердің Алматыға неге қару әкелгенін премьер-министрдің орынбасары айтып берді
- Петропавлда әйелін ұрған ер адам сотталды
- Қазақстанның бірнеше өңірі уақытты екі сағатқа алға жылжытуды ұсынып отыр
- Заңсыз қарумен қоқан-лоққы жасаған депутат ұсталды
- «Әділдік үшін күрес»: Анасы өзін қорғап, ұлын құтқарғаны үшін сегіз жылға сотталды
- ШҚО-дағы ең ұзын көпірге қанша камера орнатылған?
- Шымкентте есепші жымқырған ақшаны мұғалімдер қайтаруға мәжбүр
- Жүздеген қазақстандықтарды кім ақшасыз қалдырды және неге бұл үшін ешкім жазаланбайды
- Ресейдің Қазақстанға шектеу қойғанында тұрған ештеңе жоқ — вице-премьер Серік Жұманғарин
- Қанды Қаңтарда істі болған Тотыбаев Талғар маңындағы жасөспірім өліміне қандай қатысы бар?
- Талғардағы қашып кеткен қылмыскердің өз жиенін зорлағаны белгілі болды
- Қазақстанның астық экспорты 12 млн тоннаға ұлғайды