Депутат жануарларды кастрациялауды өзінің мүшесін алып тастаумен салыстырды

Мәжіліс депутаты Анас Баққожаев қаңғыбас жануарларды стерилациялау мен кастрациялауға қарсы шықты. Депутат мұны өзінің дене мүшесін алып тастаумен салыстырды, деп хабарлайды Orda.kz.

Баққожаевтың пікірінше, кастрация жануарлардың өмір сүру ұзақтығына ешқандай әсер етпейді. Дәлел ретінде депутат ер адамдар гормондық белсенділігінің төмендеуінен 50-60 жастан бастап қартаюы мүмкін екенін алға тартты.

«Біз сау жануарды хирургиялық үстелге жатқызып, одан бір мүшесін алып тастасақ, ол жануар мүгедек болып қалады. Бұл гуманизмге жатпайды. Егер менің бір нәрсемді, мысалы, бір жұмыртқамды алып тастаса, құдай сақтасын, айтуға ыңғайсыз, бірақ айтуға тура келеді, мен өзімді сау адам санамас едім. Мен мүгедек болар едім», – деп мәлімдеді депутат жануарларға жауапкершілікпен қарау туралы заңға енгізілетін түзетулерді талқылауға арналған жұмыс тобында.

Сонымен қатар, Баққожаев кастрацияны жеке жағдайларда, мысалы, агрессияны төмендету үшін қарастыруды ұсынды. Алайда бұл мәселе бойынша да мамандармен кеңесу қажеттігін атап өтті.

«Өйткені, агрессияның да түрлері бар, мысалы, иттің тамаққа агрессиясы, аш болғандықтан жеп қойғысы келеді. Басқа да агрессия түрлері бар», – деп қосты мәжілісмен.

Айта кетейік, кастрация мен стерилизация қаңғыбас жануарларды жаппай эвтаназиялаудың гуманды баламасы болып саналады – мұндай тәсілді кейбір депутаттар қолдайды. Бірақ, ветеринарлардың айтуынша, стерильденген және кастрацияланған жануарлардың өмір сүру ұзақтығы ұзағырақ екенін ескермейтіндер де бар.  

Қазақстанда қаңғыбас жануарларды жою идеясын ілгерілетуде, бірақ қоғамның қарсылығын тудырмау үшін мұны «эвтаназия» деп атауда. Алайда зооқорғаушылар бұл мәселені гуманды жолмен шешуге көмектесетін балама ұсыныстар енгізуде. Дегенмен, кейбір депутаттар үшін қаңғыбас жануарларды өлтіру – мәселені шешудің жалғыз жолы сияқты көрінеді.