Депутат жәрдемақыны көбейтуге мемлекет қаржысы жететінін айтты

Мәжіліс отырысында депутат Динара Закиева аз қамтылған отбасылардағы балаларға берілетін жәрдемақыны ең төменгі күнкөріс деңгейіне дейін көтеруге ұсыныс жасады.

Бірақ ол мемлекет қаражатының жететініне күмән келтірген. Себебі атаулы әлеуметтік көмектің мөлшерін көбейту үшін қосымша 225 млрд теңге керек.

Еуразия бірінші арнасының мәліметінше, депутат жәрдемақыны көтеруге мемлекеттің мүмкіндігі бар ма? деген сауалға жауап берді.

Айта кетсек, қазіргі таңда әр оныншы бала, демек 625 мың бала жағдайы төмен отбасында өмір сүріп жатыр.

Депутат жағдайы төмен отбасыларға қосымша көмек көрсетілсе де, ол олардың жамауларын жабуға жетпейтінін алға тартты.

«Берілетін көмекті ең төменгі күнкөріс деңгейімен теңестіру қажет. Егер 36 мың теңгеден берілсе, тым болмаса балабақшаның қаржысын төлей алады. Сонда анасы жұмысқа шығып, табысын арттыра алар еді» дейді Динара Закиева.

Сондай-ақ, депутат әлеуметтік осал топты қолдауға мемлекет қаражаты жететініне сенімді.

«Меніңше бюджеттің қаржысы жетеді. Ол үшін жергілікті әкімдіктегі және бюджеттегі қаржыны қайта қарап, қажетсіз шығындарды анықтасақ, қаражат табылады» деді депутат.