Депутат Тілеухан Алматыдағы феминистік шеруге қатысушыларды экстремизмге тексеруді сұрады

Депутат Бекболат Тілеухан Алматыдағы феминистік шеруге қатысушыларды экстремизмге тексеруді сұрайды.
Ол елдің «дүниетанымына жат» ұрандарды көрді.

«Нұр Отан» партиясының мәжіліс депутаты Бекболат Тілеухан үкіметтен 8 наурызда Алматыда өткен феминистік марштың заңнама талаптарына сәйкестігіне талдау жасауды сұрады. Сондай-ақ, ол Парламентке бір жынысты некеге тыйым салу туралы заң қарастыруды талап етті. Бұл туралы Тілеухан Премьер-Министрдің орынбасары Ералы Тоғжановтың атына жолдаған депутаттық сауалында мәлімдеді.

— Халықаралық әйелдер күнінде бес феминистік ұйым Алматы қаласында шеруге шыққаны белгілі. Біз БАҚ және әлеуметтік желілерде жарияланған роликтерді қарадық. Алматы әкімдігіне үндеуде көтерілген мәселелерден басқа, біз наразылық білдірушілер біздің дүниетанымымыз бен бірегейлігімізге жат нәрселерді көтергенін, тіпті Қазақстанда тыйым салынған экстремистік ұйымдардың ұрандарын көтергенін көріп отырмыз. Бір қарағанда, бұл шеру үйдегі зорлық-зомбылыққа қарсы шеру сияқты. Алайда, митингтің күн тәртібі мүлдем басқа арнаға ауысты, - деді Тілеухан.

Ол шерудегі белсенділердің өнерін рухани құндылықтарға шабуыл деп санады.

— Алматыдағы митинг заң талаптарына сәйкес келді ме, әкімдік экстремистік топтардың алаңға шығуға жол берді ме, жоқ па, соны талдауды сұраймын. Балаларды зиянды ақпараттан қорғау үшін Парламентке жыныстық азшылықтардың азғындығынан, бір жынысты неке сияқты қорқынышты құбылыстардан қорғауға бағытталған заң енгізуді сұраймын, - деді Тілеухан

Халықаралық әйелдер күніне арналған шеруге бес жүзден астам адам қатысты.