Депутат Платонов мәжіліс отырысында қазақша сөйледі

20 қазан күні өткен мәжілістің жалпы отырысында депутаттар мен министрлердің көпшілігі елдегі болып жатқан өзгерістер мен жаңа жобалар бойынша сөз сөйледі.

Бұл туралы Orda.kz хабарлайды.

Мәжіліс отырысында депутаттар министрлерге жіберген сауалдарына жауабын алды. Депутат Артур Платоновтың қазақша сөйлегені желі қолданушыларының назарын аудартты. Платонов өз сөзінде экономикалық ахуал туралы айтқан болатын.

–  Өткен 2020 жылдың қатаң шектеу шаралары мен экономикалық ахуалдың тұрақсыздығы 2 триллион теңге салық шығынын әкелді, бұл мемлекеттік қорда бұрын соңды болмаған шараларды қолдануды талап етті. Дағдарысқа қарсы 6 триллион теңге шаралық пакет қабылданды. Бұл ұлттық қор қаражатын қосымша тарту, қарыз алу, сондай-ақ бір жыл ішінде шығыстарды оңтайлы өндіруге басымдық беру көздері болды, – деді Платонов.

Еске алсақ, 30 қыркүйекте өткен отырыста мәжіліс төрағасы Нұрлан Нығматулин жаңадан сайланған экология, геология және табиғи ресурстар министрі Серікқали Брекешевке қазақша берілген сұраққа қазақ тілінде жауап беру керектігін ескерткен болатын.