Депутат нан бағасын 500 теңгеге дейін көтеруді ұсынды

Жамбыл облыстық мәслихатының депутаты Мейрамбек Дөненбаев ауыл шаруашылығы өнімдерінің бағасын көтеруді ұсынды.

Бұл туралы Jambylinfo.kz хабарлайды.

Депутаттың айтуынша, нан өте арзан.

«Мен үшін кем дегенде 500 теңге тұруы керек. Мен өзім ауыл шаруашылығы өндірісімен айналысамын. Қазір бидай 100 теңгеден де сатылмайды»,- дейді Мейрамбек Дөненбаев.

Халықтың қалтасы көтере ме, деген сұраққа депутат «иә» деп жауап берді.

«Менің ойымша, олар мұны шеше алады. Неге екенін білесіз бе? Қазір әрбір мерекелік дастарханнан кейін қоқыс жәшіктерінде нан үйіліп жатады. Ет өнімдері немесе шұжық емес. Өйткені, олар наннан қымбат сатылады»,- деп қосты Дөненбаев.