Депутат футболды қаржыландыру туралы: жүздеген миллиардтар ауаға кетті
Мәжілістегі «Ақ жол» фракциясының депутаттары футбол клубтарын бюджеттен қаржыландыруды тоқтатуды сұрап отыр. Олар өз ұсыныстарын вице-премьер Ералы Тоғжановтың атына жолдаған депутаттық сауалда айтты.
«Қазақстан футбол федерациясы бюджеттен бір тиын да алмайды деп отыр. Бірақ осы федерацияға кіретін кәсіпқой клубтар облыс әкімдіктері арқылы ақша алады. Соңғы үш жылда облыс әкімдіктері кәсіпқой клубтарға 111 млрд теңге бөлген. Ал оған республикалық бюджеттен демеушілер тарапынан федерацияға бөлінген қаржыны қоссаңыз, онда оларды санауға да келмейді. Ресми мәлімет жоқ» дейді депутат Қазыбек Иса.
Депутаттың айтуынша, ұлттық мүлік қазақстандық футболды дамытуға емес, шетелдік футболшыларды ұстауға жұмсалады. Клубтардың әлемдік рейтингінде қазақстандықтардың ешқайсысы 100-дікке енбей, 200-діктің соңында.
«ФИФА рейтингі бойынша Қазақстан 125-орында. Ал ТМД елдеріндегі футбол бюджеті ең аз Қырғызстан 96-орында. Бразилияға жіберілген 78 жігіттің ешқайсысы ойнамайды. Ауылдарда жол салуға ақша таппай отырғанда, миллиардтаған қаржыны ысырап етіп жатырмыз» дейді депутат.
Оның үстіне 30 жылда Қазақстанда бір ғана стадион салынды. Ал футбол бюджеті екі есе көп Өзбекстан 10 заманауи стадион салды.
«Өзімізді масқаралау үшін халықтың қыруар қаржысын футболға құйып жатырмыз деген сөз. Сондықтан, гол соға алмай, тек халықтың ақшасын қалай пайдалану керектігін білетін футболға миллиардтар бөлуді тоқтату керек» деді Қазыбек.
Ол кәсіпқой спорттың бизнес екенін және оны мемлекеттен қаржыландыруға болмайтынын атап өтті. Сондықтан бюджетке байланған футбол клубтарының барлығын жекешелендіру қажет.
«Мемлекет қаржысын балалар мен жасөспірімдер мектептеріне, футбол мектептерін дамытуға, балалар жаттықтырушыларын даярлауға бағыттау керек. Осы ауылдарда, аудан орталықтарында, қала маңында таланттарға жағдай жасау керек. Сондай-ақ шағын тегін спорт залдарын салу керек. Секциялардағы жаттықтырушыларға ұстаздармен тең дәрежеде лайықты жалақы төлеу керек» деп қосты Қазыбек Иса.
Сондай-ақ депутаттар мемлекеттен футбол саласына бөлінген қаражат туралы есеп беруді сұрады.
Еске салсақ, 14 қараша күні футболдан Қазақстан құрамасы 2022 жылғы әлем чемпионатына іріктеу кезеңіндегі соңғы матчта Франциядан сегіз гол өткізіп алып, жеңіліп қалған.
Жаңалықтар
- Журналист Әділбековті қамау мерзімі 27 маусымға дейін ұзартылды
- Жамбыл облысында шенеуніктер жетім балаларды пәтерсіз қалдырды
- Тек БҚО ғана емес: Алматы облысындағы браконьерлер ақбөкен мүйізі салынған сегіз қапшықты тапты
- Үміт Шаяхметова экономиканы ырықтандыру туралы жарлыққа қатысты пікір білдірді
- Балалардан түскен пайда: Алматы облысында әлеуметтік маңызы бар тауарлар көтерілген бағамен сатылды
- Алматыдағы Ерменсай ықшамауданына су тарту мәселесі қалай шешілмек?
- Қазақстаннан жүк көліктерінің жаппай әкелінуі Қырғызстанда жанжал тудырды
- Орал әкімдігі алдына жиналған наразыларды полиция ұстады
- Қазақстан азаматтары табысының жартысынан көбін азық-түлікке жұмсауды қашан тоқтатады?
- Қазақстанда бірыңғай уақыт белдеуіне қарсы петиция жарияланды
- Иранда президент сайлауы 28 маусымда өтеді
- Су тасқыны болған өңірлердегі түлектерге 12 мың грант бөлінеді
- Вице-премьер Қанат Бозымбаев Құлсары тұрғындарының наразылығы туралы не дейді?
- ІІМ Bek Air ұшағы апатына қаза тапқан ұшқыштарды кінәлі деп санайды
- АИТВ жұқтырған науқастарды емдейтін Алматы ауруханасының бас дәрігері төрт күн бойы балалар орталығын басқарған
- Иранда президент сайлауы 28 маусымда өтеді
- Қазақстанның «Салтанат заңы» АҚШ-та жоғары бағаланды
- Әлия Назарбаеваның зауыты 1,5 млрд теңгеге сатылды
- Қазақстан Қытай нарығына экспортты ұлғайтты
- Астанадағы ШЫҰ сыртқы істер министрлері отырысында қайтыс болған Иран министрінің орнына кім келді?