Депардье қамаудан босатылды

Франция полициясы бұған дейін сексуалдық зорлық-зомбылық жасады деген күдікпен ұсталған актер Жерар Депардьені босатты.

Бұл туралы Associated Press хабарлайды.

«Ол енді қамауда емес» деді актердің адвокаты Кристиан Сент-Пале полиция бөлімшесінен шығып.

Тергеушілер Депардьеден жауап алғаны хабарланды. Сонымен бірге, француздық БАҚ прокуратураға сілтеме жасап, актердің соты 2024 жылдың қазан айында өтетінін хабарлады.

Актер 29 сәуір күні таңертең ұсталды. Полицияға екі әйел Депардье түсірілім кезінде оларды зорлады деп шағымданған. Олардың айғақтары бойынша, біріншісі 2014 жылы «Сиқыршы мен сиам» фильмінің түсірілім алаңында, екіншісі 2021 жылы «Жасыл жапқыштар» түсірілімінде болған. Актер бұл айыптауларды жоққа шығарады.

Тағы бір қыз актердің оны дәлізде қайта-қайта құшақтап, ұятты жерлеріне қол тигізгенін алға тартты. Бейтаныс адамдар оны тоқтатуға көмектесті.