Денсаулық сақтау вице-министрі науқастардың жағдайын мәлімдеді

Денсаулық сақтау вице-министрі Тимур Мұратов Ақтаудағы әуе апатынан зардап шеккен науқастар туралы мәлімдеме жасады, деп хабарлайды Orda.kz.

Оның айтуынша, бүгін Ресей мен Әзірбайжан азаматтары өз еліне эвакуацияланды.

«Бас-аяғы 29 науқас, бүгін таңертең санавиация бортымен Ресей Федерациясының 9 азаматы одан әрі емін жалғастыру үшін Мәскеуге эвакуацияланды. Сондай-ақ, бүгін кешке Әзірбайжан азаматтары - 14 науқас өз еліне эвакуацияланды. Қазір бізде 6 пациент емделіп жатыр, оның үшеуі Әзірбайжан азаматы және үшеуі Қырғызстан азаматы. 4 азамат реанимация бөлімінде, бір пациенттің жағдай өте ауыр және тұрақсыз болып тұр. Емдеу шаралары әлі де жалғасып жатыр», – деді Мұратов. 

Айта кетейік, Ақтау қаласында Премьер-министрдің орынбасары Қанат Бозымбаев брифинг өткізіп жатыр.