Денсаулыққа байланысты алынған демалыс ақысы өзгеруі мүмкін

Еңбек және халықты әлеуметтік қорғау министрлігі денсаулығына байланысты алынған демалыс бойынша жалақыны көтеру мәселесін қарастыруда.

Бұл туралы Orda.kz хабарлады.

Қазіргі уақытта төлем мөлшері 15 АЕК-ке дейін, яғни 43 775 теңгеге дейін шектеулер бар. Еңбек және халықты әлеуметтік қорғау бірінші вице-министрі Ақмади Сарбасов бұл мәселе жұмыс берушілермен шешіліп жатқанын айтты.

Сарбасов өткен жылы қашықтықтан жұмыс істеуді реттейтін заң қабылданғанын еске салды.

– Егер тараптардың бастамасы болса, үйде отырған қызметкер келісімі бойынша қашықтықтан жұмыс істей алады. Сонымен қатар, оның жалақысына ешқандай шектеулер болмайды. Ең бастысы - жұмысшылар мен жұмыс беруші теңдестірілген келісім жасайды, - деді вице-министр.

Егер қызметкер денсаулығына байланысты алынған демалыста болса, жалақы жүйесі 15 АЕК мөлшерінде шектеулерді қарастырады.

– Соған қарамастан, қызметкердің денсаулығына байланысты алынған демалысы болса, онда бұл жерде шектеулер қолданылады, дәл қазір біз серіктестермен жұмыс жасап жатырмыз. Біз еңбек нормалары туралы айтып отырмыз. Егер адам ауырып жатса, онда төлем шектеуі 43 мың теңге болады. Бұл сома жұмысшының орташа табысына сәйкес келмейтіні түсінікті, сондықтан бұл мәселе жұмыс берушілермен бірге біздің сараптамалық тобымызда оны ұлғайту үшін қарастырылуда, - деп қорытындылады Ақмади Сарбасов.