Денсаулық сақтау министрлігі: Денсаулық паспортына жалақы мен шығындар туралы мәлімет керек

«Ашық НПА» сайтында денсаулық паспортын енгізу үшін берілген мәліметтер көлемі туралы бұйрық жобасы пайда жасалды. Кейбір қазақстандықтар жалақы, жұмыс орны және мемлекеттік қызметтерге шығыстар туралы тармаққа, сондай-ақ баланың жынысына арналған бағанда 4 нұсқаны таңдауға болатындығына наразы болды.

Stopfake.kz порталының хабарлауынша, қазақстандықтар денсаулық төлқұжаты үшін жалақы мен шығындар туралы деректерді талап ететіндеріне ызалы. Денсаулық сақтау министрлігіне бұл ақпарат не үшін қажет екенін адамдар түсінбейді. Кейбір Kaznet қолданушылары мемлекет осылайша өз азаматтарына толық бақылау орнатқысы келеді деп отыр.

Дегенмен, Денсаулық сақтау министрлігі порталға жалақы туралы ақпараттың не үшін қажет екенін түсіндірді. Департамент өкілдерінің айтуынша, мұндай мәліметтер міндетті медициналық сақтандыру жүйесіне қажет.

Бұл ақпарат үшінші тұлғаларға қолжетімді болмайтындығы, ашық ақпарат көздерінде жарияланбайтыны айтылды.

«Кейіннен министрліктің ақпараттық жүйелерінде сақталатын мәліметтер электронды денсаулық паспортын жасау үшін ғана емес, сонымен қатар, жедел, стратегиялық шешімдерді жоспарлау, статистика құру, медициналық ұйымдарға көрсетілген қызметтерге ақы төлеу және т.с.с. пайдаланылады. Бұл тізім жалақы туралы деректерді де қамтиды. Медицина қызметкеріне ақы төлеу, сондай-ақ медициналық ұйымның коммуналдық және басқа шығындары, осы ұйымның нақты шығындары болып табылады», - деп түсіндірді Денсаулық сақтау министрлігінің Республикалық электрондық денсаулық сақтау орталығында.

Сондай-ақ олар «баланың жынысы» тармағында бірден төрт нұсқа - «ер», «әйел», «анықталмаған» және «белгісіз» деген нұсқалардың не үшін бар екенін түсіндірді.

Белгілі болғандай, соңғы екі нұсқа жарақат немесе ауыр жарақат салдарынан баланың жынысын анықтау мүмкін болмаған кезде қолданылады. Сонымен қатар, бұл нұсқалар жүктілікті тоқтатқанда, ұрық әлі толық қалыптаспаған кезде қажет деп жазады портал.

Бұйрық жобасын талқылауға азаматтар қатыса алады.  

Еске салсақ, бұған дейін Денсаулық сақтау министрлігі Қазақстанда баланың газдалған сусындармен уланып қайтыс болғандығы туралы пошта арқылы хабарлама жіберген болатын. Департамент сонымен қатар балаларға арналған өнімдердің «қара тізімі» туралы деректерді жоққа шығарды. Департамент желтоқсанның ортасында елде толық бұғаттауды енгізу туралы қауесеттердің де жалған екендігін айтты. Интернетте таратылған ақпаратта тіпті азық-түлік дүкендерінің де жабылатындығы айтылған.