Денсаулық сақтау министрінің міндетін атқарушы мәлімдеме жасады

Үкімет отырысында Жандос Бүркітбаев өзінің уақытша Денсаулық сақтау министрі міндетін атқарушы болып тағайындалуына қатысты пікір білдірді.

– Мемлекеттік органдардың бірінші басшыларын қызметке тағайындау немесе қызметтен босату туралы шешімді елдің жоғарғы басшылығы қабылдайды. Тиісінше, менің пікір айтуым орынсыз болар еді. Мен мемлекеттік саяси қызметші ретінде өзіме тиесілі өкілеттіктер шегінде тапсырмаларды орындаймын, міндеттерді атқарамын, - деді Денсаулық сақтау министріның міндетін атқарушы Жандос Бүркітбаев.

Бүркітбаев мемлекеттік қызметте жұмыс істеу қашан да жауапты екенін айтты.

– Бұл ең алдымен өзіміздің, әріптестеріміздің, қазақстандықтардың алдындағы үлкен жауапкершілік. Денсаулық сақтау министрлігінің басты міндеті – Қазақстан азаматтарының денсаулығын сақтау. Денсаулық сақтау министрлігінде жұмыс жоспарлы, жүйелі түрде жүріп жатыр. Сол жоспарлар аясында біз қазір жүйелік мәселелерді шешіп жатырмыз, - деді Жандос Бүркітбаев.