Денсаулық сақтау министрі: Толық локдаунға оралуды қаламаймыз

Қазақстанда коронавирусқа қарсы жаппай вакциналау басталды. Әзірге егу жұмыстары бірқалыпты жүргізілуде. Кешеден бері СОО-да ашылған егу пункттерінде қарқынды жұмыс басталды.

Денсаулық сақтау министрі Алексей Цой  адамдарды жаппай иммундау, халыққа қандай вакциналар қолжетімді болатыны, қолданылатын иммундық препараттардың қаншалықты қауіпсіз екендігі туралы айтып берді.

— Алдағы күндері, тіпті бір айда жағдай түбегейлі  өзгереді деп  күтудің қажеті жоқ. Азаматтардың негізгі бөлігі 2-3 ай ішінде вакциналанғаннан кейін біз эпидемиологиялық жағдайдың саябырлағанын  байқайтын  боламыз. Вакциналау міндетті түрде өз әсерін береді, бірақ бұл ұжымдық иммунитет пайда болған кезде, шамамен күзге жақын болады, - деді Цой.

Ол ауру жұқтыру деңгейін төмендету үшін, ең алдымен, «бәріміз білетін, алайда, өкінішке орай, бәрі бірдей ұстанбайтын»  стандартты ережелерді – маска тағу, адамдар көп жиналатын орындардан аулақ болу, қоғамдық шаралардан бас тарту қажет екенін атап өтті.

1 сәуірден бастап вакциналауға жататын адамдардың санаттары кеңейтілді. Кестелерді жергілікті атқарушы органдар жасайды. Бастапқыда коронавирусқа қарсы тәуекел тобына қарсы вакцина егу міндеті қойылғандар: медицина қызметкерлері, мұғалімдер, полиция қызметкерлері және көптеген адамдармен байланыста болғандар.

Қазіргі уақытта вакциналау  қарқынды, әрі ауқымды жүргізілуде. Бүгінгі күні 275 мың азаматқа вакцина егілді.

Сәуір айында 2 миллион доза вакцина жеткізіледі деп күтілуде. Келген дәрі-дәрмек қазірдің өзінде аймақтарға таратылып жатыр. Бірінші жартыжылдықта вакциналардың алты миллионнан астам дозасын алу жоспарланып отыр, бұл зерттелетін контингенттің 64% -ын қамтиды.