Денсаулық сақтау министрі Алексей Цой Таразға келді

Таразға денсаулық сақтау министрі Алексей Цой келді.

Бұл туралы Orda.kz хабарлады.  

Ведомство басшысы Жамбыл облысы Байзақ ауданы әскери бөліміндегі жарылыс кезінде зардап шеккендерді емдеу барысымен танысты. Оның айтуынша, пациенттер барлық қажетті медициналық көмекті алады.

- Емдеу әдістемесі дұрыс, - деді ол.

Цой қазіргі уақытта ең ауыр екі науқасты елордалық емханаларға ауыстыру мәселесі шешіліп жатқанын айтты.

Барлығы 98 адам медициналық көмекке жүгінді, олардың 28-і ауруханаға жатқызылды, қалғандары үйлеріне жіберілді.

Төтенше жағдайлар министрлігінің соңғы мәліметтеріне сәйкес, төтенше жағдай салдарынан 9 адам қайтыс болды.