Жамбыл облысында денсаулық сақтау басқармасының бас есепшісі 6 жылға сотталды

14 ИВЛ аппараттарын қымбатқа алды және төсек орындар техникалық ерекшелікке сәйкес емес деген айыптаумен Жамбыл облысы әкімдігі денсаулық сақтау басқармасының бас есепшісі Бақытбек Бейсебаевты алты жыл бас бостандығын айырды.

Шешімді Тараз қаласының №2 сотының судьясы Ғазиз Аманбаев шығарды.

Бақытбек Бейсебаевқа ҚР Қылмыстық кодекстің 190 баптың 3 бөлігінің 1,2 тармақшаларымен, 361 баптың 4 бөлігінің 3 тармақшасымен кінәлі деп танылып, 6 жыл бас бостандығын қылмыстық-атқару жүйесінің орташа қауіпсіз мекемесінде өтеу, Жамбыл облысы әкімдігі аппаратының есебіне 80 млн теңге залалды өндіріп алу, мемлекет баж салығы рет 2 млн 400 мың теңге өндіріп алу тағайындалды.

Бейсебаев сот залында соттан 80 млн теңгені өтеп бере алмайтындығын айтты. Отбасылық қаражатының аталған соманы көтере алмайтындығын тілге тиек етті. Бейсебаевтың жақындары апелляциялық шағым білдіретіндіктері туралы пікір білдірді.

Бейсебаевпен бірге сот залында екі адамға үш жыл бас бостандығын айыру жазасы тағайындалып, рақымшылық заңына сәйкес үкім өз күшін жойды.