Денсаулық сақтау Министірлігі — вакцина оразаны бұзбайды

Орталық коммуникациялар қызметінде өткен онлайн-брифингте Денсаулық сақтау вице-министрі Ажар Гиният журналистердің қасиетті Рамазан айында вакциналау туралы сұрақтарына жауап берді.

Бұл туралы Orda.kz хабарлайды.

— Мамандардың жауабына сүйенетін болсақ, Қазақстан мұсылмандары діни басқармасының Шариғат және пәтуа бөлімі бастығының орынбасары Хасан Раманкул былай деп жауап берді: Ораза кезінде ораза ұстаған адамдарға оразаны үзбей КВИ-ге қарсы екпе алуға болады. Екпе ораза шарттарын бұзбайды, - деді Ажар Гиният

Қасиетті Рамазан айы 2021 жылы 14 сәуірде басталып, 13 мамырда аяқталады. Ләйләтул Қадір (Қадір түні) 9-10 мамыр аралығында өтеді.