Денис Теннің бапкері қайтыс болды

Марқұм Денис Теннің бапкері, аты аңызға айналған Фрэнк Кэрролл 85 жасында өмірден өтті.

Бұл ақпаратты АҚШ мәнерлеп сырғанау қауымдастығы растады.

Шебер өз мансабында ондаған көрнекті мәнерлеп сырғанаушыларды дайындады, бірақ қазақстандықтар үшін басты жұлдыз марқұм Денис Теннің жүрегінде мәңгі сақталады.

 «Ол көптеген Олимпиада және Әлем чемпиондарының, сондай-ақ көптеген болашақ Даңқ залы иегерлерінің мансабында маңызды рөл атқарды» делінген хабарламада.

Фрэнк Кэрролл Құрама Штаттардағы мәнерлеп сырғанаудан ең табысты жаттықтырушы ретінде танылды. Денис Теннен бөлек, оның шәкірттері қатарында мәнерлеп сырғанаудан әлем чемпиондары Линда Фратиани, Мишель Кван және Эван Лисачек болды.

Фрэнк Кэрроллдің аты 1996 жылы АҚШ-тың мәнерлеп сырғанау даңқ залына енді. 1997 жылы АҚШ Олимпиада комитеті оны «Жыл жаттықтырушысы» деп таныды, ал 2007 жылы ол Дүниежүзілік Даңқ Залына кірді.