Денис Теннің анасы Ұлттық коньки тебу федерациясынан кетті

«Ұлттық коньки тебу федерациясы» республикалық қоғамдық бірлестігінің құрылтайшылары жалпы дауыс беру арқылы жарғыға өзгерістер енгізіп, вице-президенттер лауазымдарын жойды.

Бұл ретте отырыс хаттамасында құрылтайшылар екі вице-президенттің қызметін ұйымдық құрылымнан алып тастауға бірауыздан дауыс бергені атап өтілген.

«Атқару комитетінің құрамына барлық жастағы командалармен жұмыс істеу, коньки тебуді насихаттау және бұқаралық спортты дамыту міндеті жүктелген ұлттық құрамалардың бас бапкерлерінің орнына спорт мамандарын енгізу туралы шешім қабылданды» деп хабарлады федерация сайтында.

Еске салсақ, бұған дейін Қазақстан Ұлттық коньки тебу федерациясының бапкерлер штабы мәлімдеме жасап, федерация вице-президенті Оксана Теннің отставкаға кетуін талап еткен болатын.

Жоғары санатты жаттықтырушы Әсем Қасанова федерация мәселелері бойынша тек вице-президент Тен шешім қабылдайтынын айтты. Ол мысал ретінде жаттықтырушылар мен төрешілер 2021 жылдың қарашасында өткізуге дайын болған Алматы чемпионатын келтірді. Қасанованың айтуынша, Оксана Тен бұл күнді кейбір судьялар болмаған кезде желтоқсанға ауыстырды.

Оксана Тен 2019 жылдан бері Қазақстан коньки тебу федерациясының вице-президенті. Ол әйгілі қазақстандық мәнерлеп сырғанаушы, 2014 жылғы қысқы Олимпиада ойындарының қола жүлдегері Денис Теннің анасы. Ол 2018 жылы 19 шілдеде Алматының орталығында екі қылмыскердің қолынан қаза тапты.