«Денелерін тану үшін»: Авиациялық борт марқұмдардың туыстарын Маңғыстау облысына жеткізеді

Жол апатынан қаза тапқан азаматтардың туыстарын Маңғыстау облысына жеткізу үшін ІІМ Ұлттық ұлан борты жіберілді, деп хабарлайды Orda.kz. 

Бұл шешім марқұмдардың денелерін тану үшін және басқа қажетті рәсімдерді өткізу үшін қарастырылған.

Борт қаза тапқандардың денелерін өз аймақтарына жеткізу үшін де пайдаланылады. Бұл іс-шара қаза тапқандардың отбасыларына жедел көмек көрсетіп, жерлеу жұмыстарын шұғыл шешу мақсатында ұйымдастырылған. 

ІІМ-нің мәліметінше, қаза тапқандардың ішінде бес әйел Қарағанды облысынан, біреуі Астана қаласының тұрғыны. 

Айта кетейік, 11 қыркүйекте Маңғыстау облысы Қарақиян ауданы Сенек ауылынан 90 шақырым жерде жол апаты болып, 10 адам қаза тапты.