Демократиялық партияны қолдайтын екі кандидат сайлаудан шеттетілді

Қазақстан Республикасы Парламенті Мәжілісінің депутаттығына кандидаттар Теміртас Нағиметуллаев пен Есенғазы Қуандық сайлаудан шеттетілді.

Олар тіркелмеген Жанболат Мамайдың демократиялық партиясының бастамаларын қолдайтын болып шықты.

Кеше Қарағандыда №18 округ бойынша Мәжіліс депутаттығына кандидат болған Теміртас Нағиметуллаевтың соты өтті. Прокуратура оны тыйым салынған кезеңде науқан жүргізді деп айыптады. Оның үстіне Теміртас бұл жазбаны әлеуметтік желіде жарияламағанын алға тартып, прокурорлар сотқа фотомонтаж ұсынған. Енді ол апелляциялық сот шешіміне шағымданбақ.

Бүгін сайлау комиссиясы Алматы қаласының №5 сайлау округі бойынша Мәжіліс депутаттығына кандидат Есенғазы Қуандықты сайлаудан алып тастағаны белгілі болды. Жанболат Мамайдың Facebook әлеуметтік желісіндегі аккаунтында оның салық декларациясынан біраз «сәйкессіздік» табылғаны жазылған.

Тіркелмеген Қазақстан Республикасының Демократиялық партиясы бұл шешімге шағымданатынын және Есенғазы Қуандықты Мәжіліс депутаттығына кандидат ретінде қалпына келтіруді сұрайтынын мәлімдеді.