Демалыс күндері үш рет жер сілкінісі болды

VolcanoDiscovery қызметі 2 наурыз бен 4 наурыз аралығында Қытай мен Қазақстан шекарасында болған үш жер сілкінісін тіркеді.

Алғашқы жер асты дүмпулері 3 наурызға қараған түні, Алматы уақытымен сағат 02:46-да тіркелді. Жер сілкінісінің магнитудасы 4,1 балл, эпицентрі Ақтоғай ауылынан 68 шақырым жерде (Алматы облысы) 10 шақырым тереңдікте болды. Эпицентрде жеңіл діріл сезілді.

Екінші жер сілкінісі Алматы уақыты бойынша 16:07-де болды. Бұл жолы жер сілкінісінің кіндігі Кеген ауылынан (Алматы облысы) 36 шақырым жерде, магнитудасы сәл күштірек болып шықты – 4,4 балл. Жер сілкінісінің ошағында тұрғындар жеңіл дүмпулерді сезінді.

3 наурыз күні кешкі сағат 21:31-де орын алған үшінші жер сілкінісі бұрынғылардан әлсіз болып шықты – магнитудасы 3,9. Жер сілкінісінің ошағы Шыңжаңда (Қытай), Ақсу Дику ауданында (Қазақстан шекарасынан 37 шақырым жерде) болды.

Құрбандар мен қираулар туралы ақпарат жоқ.