Демалыс күндері еліміздің біраз өңірінде қар жауады

Синоптиктер елге солтүстіктен күшті циклон келеді деп болжап отыр, деп хабарлайды Orda.kz.

Қазгидрометтің мәліметінше, алдағы күндері жауын-шашынсыз  ашық күн тек Қазақстанның батысында ғана болады. Себебі солтүстіктен антициклон келеді. Дегенмен ол 10 градусқа дейінгі  түнгі аяз әкеледі.

Елдің қалған бөлігінде жаңбыр жауады деп күтілуде. 

«Алдағы демалыс күндері Қазақстан арктикалық желдің эпицентрінде болады. Еліміздің басым бөлігінде қар жауады деп күтілуде. Республиканың орталығы мен шығысында қатты қар жауып, көріну мүмкіндігі нашарлайды, жолдарда көктайғақ болады» делінген «Қазгидромет» РМК таратқан хабарламада.

Республиканың оңтүстігі мен оңтүстік-шығысында да қар жауады (тек таулы аймақтарда). Жалпы, демалыс күндері еліміздің көп бөлігінде жаңбыр жауады деп күтілуде.

Тек Қазақстанның оңтүстігі мен оңтүстік-батысында түнде термометр нөлден төмен түспейді. Мұнда түнде ауа температурасы +5 градусқа дейін болады. Республиканың қалған бөлігінде түнде жауған қар −2 градустан −10 градусқа дейінгі аязға ұласады.