Демалыс күндері Алматы облысында локдаун енгізіледі

Алматы облысында эпидемиологиялық жағдайдың нашарлауына байланысты демалыс күндері локдаун жарияланады, деп ТЖД бастығының орынбасары Асхат Чарапиев айтты.

Бұл туралы Orda.kz хабарлады.

Оның айтуынша, аймақтағы коронавирустың таралу қарқыны соңғы екі аптада 0,7%-дан 0,9%-ға дейін өсті.

Эпидемиологиялық матрица бойынша «қызыл» аймаққа Алакөл, Талғар, Балқаш, Еңбекшіқазақ, Панфилов және Сарқанд аудандары, сонымен қатар Талдықорған мен Текелі қалалары кіреді.

«Сары» аймаққа Іле, Қаратал, Жамбыл, Қарасай, Кербұлақ, Көксу, Ұйғыр және Ақсу аудандары кіреді.

Облыстың қалған қалалары мен аудандары «жасыл» аймақта.

Демек, облыс аумағында әлеуметтік-экономикалық объектілердің жұмысына шектеу қойылады.

– Демалыс күндері локдаун болады. Балалар мен ересектерге арналған білім беру орталықтарының қызметі, ашық және жабық базарлар (азық-түлік және азық-түлік емес), қоғамдық тамақтандыру объектілері (тек жеткізу үшін), жазғы алаңдар, сауда үйлері мен сауда орталықтары, қоғамдық көліктер (елді мекендердің ішінде), Халыққа қызмет көрсету орталықтары, «Қазпочта» АҚ бөлімшелері, діни нысандар, СПА орталықтары, бассейндер, спорт кешендері, спорттық-сауықтыру орталықтары, фитнес -орталықтары, казинолар, ойын - сауық, бұқаралық, отбасылық жиындар мен банктердің жұмысына тыйым салынады, - деді Чарапиев.

Еске салсақ, 30 шілдеде Алматы облысының бас мемлекеттік санитарлық дәрігері Ерғали Сыдыманов 2-16 тамыз аралығында Қарасай, Талғар, Іле аймақтарының аумағында карантиндік шараларды күшейту туралы қаулыға қол қойды. Қаулы «Ashyq» жобасына қатысатындардан басқа кәсіпорындардың қызметін шектейді.

Аудан әкімдеріне, сондай -ақ полиция бөліміне бақылауды күшейтіп, бақылау топтарын көбейту тапсырылды.