Делдалсыз трафик алмасу: Бағдат Мусин мен Павел Дуров не туралы келісті

«Қазақтелеком» басқарма басшысы Бағдат Мусиннің айтуынша,  барлық мессенджер арасында жүктеу саны бойынша Telegram қондырғысы үздік атанды. 

Бұл туралы Бағдат Мусин өзінің Facebook парақшасында жариялады. 

«Қазақтелеком» басшысы Бағдат Мусин жақында Telegram компаниясы басшылығымен кездескенін айтты. Ол Павел Дуровпен әңгіме барысында транзиттік операторларсыз желілер арасындағы трафикті тікелей алмасу туралы келіскенін мәлімдеді. 

«Әріптестерім Telegram желісімен тікелей байланыс орнатып, Telegram мамандарымен бірлескен жұмыстарды аяқтады, бұл бізге желілер арасында деректерді анағұрлым жылдам , әрі аралық операторларсыз тасымалдауға мүмкіндік береді. Қазір Telegram-нан шамамен секундына 19 Гбит/с трафик аламыз, бұл көрсеткіш болашақта өсе бермек. Біз тіркелген абоненттер үшін трафик аламыз. Осының арқасында үйлер мен кеңселердегі Telegram қызметі жақсаруы керек. Тікелей байланыс бізге Telegram серверлеріне деректерді беру кезінде кідіріс уақытын азайтуға мүмкіндік берді. Мысалы, егер бұрын Астанадан Еуропаға дейін кідіріс шамамен 85 миллисекунд болса, қазір ол 75 миллисекундқа дейін қысқарды. Түрлі аймақта бұл көрсеткіш әртүрлі. Бұл Қазақстандағы пайдаланушылар контентке енді тезірек қол жеткізіп, Telegram арқылы ақпарат алмаса алады деген сөз», — деді ол.