Декларацияға қарсы петиция құрылды

Азаматтар жалпыға бірдей декларациялаудың 3-ші және 4-ші кезеңдеріне қатысқысы келмей, петицияға қол жинай бастады, деп хабарлайды Orda.kz.

Бұл ретте декларацияның күшін жою немесе оны бес жылға кейінге қалдыру себебі ретінде олар елдің жеткілікті түрде цифрландырылғанын және салық органдарының банктік аударымдар туралы хабардар екенін алға тартады. Сонымен қатар, қазақстандықтар табысының жартысынан көбін азық-түлікке және кредитке жұмсайды.

Петиция авторларының пікірінше, салық заңнамасына түзетулер енгізу қажет. Мысалы, көпбалалы отбасыларға арналған шегерімдер енгізу және жалпыға бірдей декларациялау кейінге қалдырылған жағдайда жеке табыс салығын азайту мүмкіндігін қарастыру. Сондай-ақ, оқыту мен сыйақы шығыстарын шегеру ұсынылады.

Әзірге петицияға 50-ден астам адам қол қойды. Құжат 50 000-нан астам қол жиналған жағдайда ғана қаралады.