«Deepfake-порнография»: Telegram Оңтүстік Кореядан кешірім сұрады

Telegram өкілдері Оңтүстік Кореяның Байланыс стандарттары жөніндегі комиссиясының (KCSC) жалған порнографиялық мазмұнды жою туралы талабын орындап, орын алған жағдай үшін ресми кешірім сұрады деп хабарлайды Orda.kz.

Yonhap агенттігінің мәліметінше, Telegram-ның Шығыс Азиядағы филиалы KCSC-ге электрондық хат жіберіп, 25 порнографиялық материалды платформадан өшіргенін анықтады. Сонымен қатар, компания болашақта медиа бақылау органымен байланыс орнату үшін арнайы электрондық пошта мекенжайын ұсынды.

Бұл әрекеттер Оңтүстік Корея президенті Юн Сок Ёльдің өткен аптада «цифрлық сексуалдық қылмыстар эпидемиясын» жоюға шақыруынан кейін жасалды.

Оңтүстік Корея полициясының мәліметі бойынша, бір аптаның ішінде deepfake технологияларын пайдалану арқылы жасалған сексуалдық қылмыстарға қатысты 88 арыз түскен.

Тергеу барысында Telegram-дағы осындай порнографиялық контент жасауға көмектесетін сегіз автоматтандырылған бағдарлама және бұл материалдарды тарататын топтық чатты бақылауға алды.