ДДСҰ: бір миллиардтан астам адам тырысқақ ауруын жұқтыруы мүмкін

ДДСҰ тырысқақ ауруының тез таралуы мүмкін екенін ескертті. Ескертулер бір апта ішінде үш елде індет туралы хабарланғаннан кейін жіберілді.

Дүниежүзілік денсаулық сақтау ұйымының тырысқақ және эпидемиялық аурулар тобының жетекшісі Филипп Барбозаның айтуынша, инфекция жағдайлары туралы хабарлаған елдердің жалпы саны 22-ге жетті.

— Біздің бағалауымызша, 43 елде 1 миллиардтан астам адамға  тырысқақ ауруының тікелей қаупі төніп тұр. Тек соңғы аптаның өзінде үш ел жаңа індеттің пайда болғанын хабарлады. Қазіргі уақытта ДДСҰ-ның бес аймағында орналасқан 22 мемлекет тырысқақ ауруымен күресуде, - деді ол.

Эпидемиологтың пікірінше, негізгі қозғаушы күштер - кедейлік, қақтығыстар және табиғи апаттар, қазір климаттың өзгеруімен шиеленісіп жатқан індеттерді қоздырады.

Тырысқақ Vibrio cholerae бактериясы тудыратын жіті жұқпалы ішек ауруы. Ауру ластанған сумен немесе тамақпен байланыста болады. Ауру кезінде  ауыр диарея белгілері, яғни сұйық нәжіс, құсу және сусыздану белгілері білінеді.

Тырысқақ жедел бүйрек жеткіліксіздігі және тіпті өлім сияқты ауыр асқынуларға әкелуі мүмкін, әсіресе иммундық жүйесі әлсіреген адамдарда. Ауру бірқатар дамушы елдерде проблема болып отыр, ол елдерде гигиена мен санитарлық  қажетті жағдайлар әрдайым сақтала бермейді.