ДДСҰ пандемияның аяқталар уақыты жақындағанын айтты

Дүниежүзілік денсаулық сақтау ұйымының арнайы өкілі Дэвид Набарро пандемияның аяқталу мерзімі қазірдің өзінде белгілі, бірақ алдағы үш айда жағдай қиын болады деген пікір білдірді.

Дэвид Набарро Sky News-ке берген сұхбатында атап өткендей, коронавируспен күрес дамушы елдер қатаң шектеу шараларын қолданбағандықтан күшейіп жатыр. Өйткені бұл олардың ұлттық экономикаларына елеулі зиян келтіреді.

– Біз пандемияның аяқталуына аз ғана уақыт қалғанын көріп отырмыз. Оған жетпес бұрын, біз тағы бірнеше қиындықтарға тап боламыз, - деді ДДСҰ арнайы өкілі Дэвид Набарро.

Ғалымның айтуынша, вирустың дамуы жалғасып жатыр және жақын арада коронавирустың жаңа штаммдары пайда болуы мүмкін. Желтоқсан айында ДДСҰ сарапшысы Мария ван Керхове коронавирустық пандемия 2022 жылы аяқталады деп болжаған еді.