ДДСҰ әлі күнге дейін коронавирус індеті тіркелмеген елді атады

Дүниежүзілік денсаулық сақтау ұйымы (ДДСҰ) Солтүстік Кореяда әлі күнге дейін коронавирус жұқтырған бірде-бір адамның тіркелмегенін айтты.

Бұл туралы Orda.kz хабарлайды.

ДДСҰ-ның апта сайынғы есебіне сәйкес, жтексерілген 718 КХДР азаматтарының ішінен тұмау және ЖРВИ-мен ауырған 127 адам шықты. Осылайша, ел бойынша тексеруден өткендердің жалпы саны 32 мыңнан асты.

КХДР есебінде осы уақытқа дейін 32512 адамнан алынған 64750 сынама бар. Сеулдің сараптама орталығы Пхеньян ДДСҰ бастамасы аясында шыққан 1,7 миллион AstraZeneca вакцинасынан бас тартқанын айтты.

Айта кету керек, Солтүстік Корея COVID-19 деректерін ДДСҰ-ға уақытылы хабарлайды. Пхеньян 2020 жылдың қаңтарынан бастап қатаң шекара бақылауын енгізді.

Бұған дейін Солтүстік Корея билігі карантин талаптарын бұзған адамды көпшілік алдында жазалаумен айналысқан.