ДДСҰ: Коронавирустық пандемия 2022 жылы аяқталады

Кешенді шаралар қабылданса, COVID-19 пандемиясы 2022 жылы аяқталуы мүмкін. Бұл туралы Дүниежүзілік денсаулық сақтау ұйымының бас директоры Тедрос Адханом Гебрейесус ұйымның 150-ші сессиясының ашылуында мәлімдеді.

«Егер елдер осы стратегиялар мен құралдардың барлығын толық пайдаланса, біз биылғы жылы пандемияның өткір кезеңін аяқтай аламыз. Біз COVID-19-ды денсаулыққа қатысты жаһандық төтенше жағдай ретінде жоя аламыз» деп РИА Новости Тедрос Адханомның сөзін келтірді.

COVID-19-ны пандемия ретінде тоқтату үшін әр ел халқының 70% вакцинациялануы керек, әсіресе қауіпті топтарға ерекше назар аударылады, деп қосты Гебрейесус.

«Біз сондай-ақ тиімді клиникалық көмекті, оның ішінде диагностикаға, оттегіге және емдеу орнында вирусқа қарсы препараттарға тең қолжетімділікті енгізу арқылы вирустан болатын өлімді азайтуымыз керек» деді ол.