ДДСҰ COVID-19 емдеуге арналған тағы бір  препаратты мақұлдады

Дүниежүзілік денсаулық сақтау ұйымы (ДДСҰ) моноклональды антиденеге жататын тоцилизумабты коронавируспен ауыратын науқастарды емдеуге ұсынылатын дәрілер тізіміне қосты.

Бұл ДДҰ COVID-19-мен күресу үшін мақұлдаған алтыншы дәрі, деп хабарлайды ҚазАқпарат БҰҰ жаңалықтарына сілтеме жасап.

Осы алты өнімнің үшеуін Roche компаниясы шығарады. Дүниежүзілік денсаулық сақтау ұйымы фармацевтикалық компаниялар жіберетін өтінімдер саны артып, бәсекелестік бағаны төмендетуге мүмкіндік береді деп үміттенеді.

 Ауыр немесе өте ауыр  COVID-19 бар науқастарда денсаулыққа ауыр зиян келтіруі мүмкін иммундық жүйенің шамадан тыс реакциясы жиі кездеседі. Мұндай шамадан тыс иммундық жауап интерлейкин-6  тежегіштері препараттарымен, соның ішінде тоцилизумабпен басады.

Стандартты емдеумен салыстырғанда, бұл препараттарды ауыр немесе қатерлі  аурулары бар науқастарда қолдану өлім ықтималдығын 13 пайызға төмендетеді. Осылайша, зерттеу деректеріне сәйкес, тоцилизумабты көктамыр ішіне енгізу ауыр ауруларда тиімді және мұндай науқастарды оттегімен, кортикостероидтармен және басқа дәрілермен бірге емдеуге ұсынылады.

Тоцилизумабқа арналған патент мерзімі аяқталды, сондықтан осы нақты интерлейкин-6 шектегішінің  өндірісі зияткерлік меншік құқығымен шектелмейді. Дегенмен, қазіргі уақытта препарат қымбат - әрбір дозасы 500-600 доллар тұрады, ал оның әлемдік фармацевтикалық нарықта жеткізілімі шектеулі.

Дүниежүзілік денсаулық сақтау ұйымы оның ұсыныстары сұраныстың арттырады және басқа компаниялар тоцилизумабты шығара бастайды, бұл оның құнын төмендетеді деп үміттенеді.