ДДСҰ басшысының қазақ келіні ұл туды

Дүниежүзілік денсаулық сақтау ұйымының (ДДСҰ) басшысы Тедрос Адханом Гебрейесустің немересі дүниеге келді. Бұл ақпаратты Айдананың атасы – Жүрсін Ерман растады. Оның айтуынша, немеренің есімін Кай қойған.

– Есімді мен емес, сәбидің ата-анасы қойған. Баланың есімі Кай, - деді Жүрсін Ерман.

Бұл қазақстандық Айдана мен Тедростың ұлы Аммануэльдің (Оман) екінші баласы. Қазір отбасы Швейцарияда өмір сүреді. Сәбидің салмағы 4150 грамм, бойы 52 сантиметр. 29 желтоқсанда дүниеге келген.

Жақында қазақстандықтар ДДСҰ басшысының келіні қазақтың белгілі айтыскері Жүрсін Ерманның немересі екенін естіп, таң қалды.

– Кіші қызым Ардақ бар, оның қызы Айдана немерем. Жаңа Зеландияға мектепке оқуға бердік. Кейін мектепті Швейцарияда бітіріп, Испанияда магистратурада оқыды. Қазір ол 30 жаста. ДДСҰ бас директорының үлкен ұлына үйленді. Ұзату Алматыда өтті, - деді Жүрсін Ерман.