ДДСҰ басшысы коронавирусқа байланысты үндеу жасады

Дүниежүзілік денсаулық сақтау ұйымының (ДДСҰ) бас директоры Тедрос Адан Гебрейесус коронавирустық инфекцияның жаппай таралуын жеңу үшін барлық қажетті ресурстар мен әдістер бар екенін айтты.

Бұл туралы Orda.kz хабарлайды

Берлиндегі саммитте сөйлеген ДДСҰ басшысы әлемдік қоғамдастық осы жылдың соңына дейін барлық елдер COVID-19 вакцинасының 40% қамтуы керек екенін айтты.

ДДСҰ басшысы өзіне «пандемия қашан аяқталады» деген сұрақтың жиі қойылатынын айтып, сұраққа нақты жауап берді.

– Әлем жұртшылығы пандемияны тоқтатуға шешім қабылдаған кезде пандемия аяқталады. Ол өз қолымызда, - деді Тедрос Аданом Гебрейесус

Оның айтуынша, әлемде індетті жеңу үшін «барлық қажетті құралдар» бар, денсаулық сақтау және медицина саласының әлеуеті жетеді. Алайда әлем халқы бұл құралдарды дұрыс пайдаланып жатқан жоқ.