ДДСҰ балаларға вакцина салдыруға болатынын айтты

Дүниежүзілік денсаулық сақтау ұйымы алғаш рет балаларды коронавирусқа қарсы вакциналауға болатындығын айтты. Бұл ДДСҰ сайтында жарияланған жаңартылған ұсыныстарда көрсетілген.

Бұл туралы orda.kz РИА Новостиге сілтеме жасай отырып хабарлайды.

Құжатқа сәйкес, егер балалар covid-19 ауыр ағымының қаупі жоғары тобына кірмеген болса, екпені шұғыл түрде салдырудың қажеттілігі жоқ. Егде жастағы адамдарға, созылмалы аурулары бар адамдарға және денсаулық сақтау қызметкерлеріне басымдық берілуі керек.

Балалар мен жасөспірімдер ересектерге қарағанда covid-19-ны жеңіл түрде қабылдайды.

Бұған дейін Гамалей атындағы эпидемиология және микробиология ғылыми орталығы балаларға Спутник V вакцинасын қолдануға рұқсат алу үшін құжаттар тапсырғаны белгілі болды, жақын арада шешім қабылданады.