ДДСҰ сарапшысы Уханьдағы пандемия қалай басталғанын айтты

ДДСҰ бастаған халықаралық мамандар тобының мүшесі, доктор Питер Дассак COVID-19 пандемиясының таралу ықтималдығын сипаттайтын сценарийімен бөлісті. Бұл туралы ORDA. РИА Новостиге сілтеме жасап хабарлады.

Дассак The New York Times газетіне берген сұхбатында айтқандай, жарқанатт арқылы жұқпалы ауру жабайы жануарлар өсірілетін фермаға келуі мүмкін. Оны жұмысшылар немесе сондағы жануарлар жұқтырған. Кейін вирус Уханьдағы тауарларға түсіп, ары қарай қарқынды тарай бастаған.

Сонымен қатар, материалда ДДСҰ мамандары Қытайдағы құпиялылық саясатына байланысты кейбір науқастардың жеке мәліметтеріне қол жеткізе алмағаны атап көрсетілген. Сонымен қатар, COVID-19-мен ауырған кейбір адамдар ұйым өкілдерімен кездесуден бас тартты.

Қазір Қытайда ДДСҰ сарапшыларының халықаралық тобы жұмыс істеп жатыр. Олар COVID-19 шығу тегі туралы зерттеуде. Мамандар Уханьға 14 қаңтар келіп, міндетті 14 күндік карантинге орналастырылған. 29 қаңтар өз жұмыстарын бастады.

ДДСҰ сарапшылары:

• Ухань вирусология институтына, оның ішінде жоғары оқшауланған BSL-4 зертханасына
• Жергілікті ауруханаға
• Хуанан теңіз өнімдері базарына
• Ауруларды бақылау және алдын-алу орталығына барып келген.

Сарапшылар SARS-CoV-2-нің жарқанаттардан нарыққа тікелей келгеніне күмән келтіреді. Вирусты аралық тасымалдаушы жеткізген деген болжам бар.

«Вирустың зертханадан таралуы екіталай»,- дейді сарапшы.