ҚДБ мемлекеттік жеке әріптестік пен квазимемлекеттік секторды қаржыландырмайды

Біздің дереккөздің хабарлауынша, жақын арада банк тарапынан қаржыландыруға тыйым салынған салалардың тізіміне өзгерістер енгізіледі.

Енді мемлекеттік-жекеменшік әріптестік аясындағы жобаларды, сондай-ақ квазимемлекеттік компаниялардың жобаларын жүзеге асыру үшін қаржыландыру қарастырылмайды.

Қазақстанның даму банкі  жеке жобаларға көңіл бөлгісі келеді, ал мемлекеттік компаниялардың өзі арзан қаржыландыруды тарта алады. Бұл мемлекеттік жобалар портфелінің үштен біріне ие банк үшін үлкен өзгеріс.

Ерекшелік тек басқа кредиторлардың қатысуымен, яғни халықаралық қаржы институттары бірлесіп қаржыландыру немесе синдикаттық қаржыландыру арқылы жүзеге асырылатын жобалар болуы мүмкін. Сондай-ақ, бұл жобалар ESG қағидаттарына сәйкес келуі керек.

Қазақстанның даму банкі  қазірдің өзінде «ҚазМұнайГаз» пен «ҚазТтрансГаз» компанияларының бірнеше жобаларын қараудан алып тастағанын білдік, бұған дейін олар банк сайтында «Қарастырылып жатқан жобалар» бөлімінде көрсетілген болатын. Сондай-ақ «Самұрық-Қазына» қорының бір жобасы жоғалып кетті.

Бұған дейін Қазақстанның Даму банкі Назарбаевтың қамауға алынған туысының компанияларына несие беруден бас тартқанын естеріңзге саламыз.