Давид Дегтярев екі дүркін паралимпиада чемпионы атанды

Париждегі Паралимпиада ойындарында Қазақстан алтын алды. Давид Дегтярев ел тарихында алғаш рет екі дүркін паралимпиада чемпионы атанды, деп хабарлайды Orda.kz.

Ол 54 кг салмақ дәрежесінде парапауэрлифтингтен алтын медаль жеңіп алды,188 келілік шатнганы көтеріп, елімізге жеңіс сыйлады.

Бұдан бөлек, жеңіл атлет Дастан Мұқашбеков ядро лақтырудан Азияның жаңа рекордын орнатып, 16 метр нәтижесімен қола медальға ие болды. Бұл — Қазақстан тарихында паралимпиадалық жеңіл атлетикадағы алғашқы медаль.

Осылайша, Қазақстан құрамасының қоржынында үш медаль — алтын, күміс және қола бар. Паралимпиада-2024 еліміз үшін нағыз тарихи жеңіске айналды.