Дәурен Мұратбеков жоғары сот кеңесінің хатшысы болып тағайындалды

 Дәурен Мұратбеков жоғары сот кеңесінің хатшысы – аппарат басшысы болып тағайындалды.

«Мемлекет басшысының өкімімен Дәурен Болатұлы Мұратбеков Қазақстан Республикасы Жоғары сот Кеңесінің хатшысы – аппарат басшысы лауазымына тағайындалды» делінген құжатта.

Дәурен Мұратбеков Л.Н.Гумилев атындағы Еуразия ұлттық университетін «халықаралық заңгер» мамандығы бойынша және А.Мырзахметов атындағы Көкшетау университетін «қаржы бакалавры» мамандағы бойынша бітірген.

Еңбек жолын ҚР экономика және бюджеттік жоспарлау министрлігінде сарапшы лауазымынан бастап, Заң департаментінің директоры қызметіне дейін көтеріліп, барлық кәсіби өсу баспалдақтарынан өткен.

2006 жылдан бері ҚР ЭжБЖМ Мемлекеттік активтерді басқару саясаты департаментінің сарапшы, бас сарапшы, ҚР ЭДСМ экономика салаларын дамыту департаментінің басқарма басшысы лауазымдарында жұмыс істеген.

2011-2014 жылдары «Ұлттық инновациялық қор» АҚ орталығы директорының орынбасары және «Ұлттық технологиялық даму жөніндегі агенттігі» АҚ орталығының басқарушы директоры қызметтерін атқарған.

2014 жылы ҚР ҰЭМ Заң департаментінің директоры болды.

2016 жылы ҰЭМ Әдеп жөніндегі уәкіл қызметіне тағайындалды.