Дәулет Тұрлыхановтың тағы бір ұлы бойжеткенді ұрды деп айыпталды (видео)

Мәжіліс депутаты Дәулет Тұрлыхановтың тағы бір ұлы бойжеткенді ұрды деп айыпталды.

Бұл туралы журналист Михаил Козачков өзінің telegram-арнасында хабарлады.

«Ешқандай ерекше ештеңе жоқ, Instagram желісінде ұрып-соғу видеосын бір бойжеткен жариялады. Иә, бұл депутат Дәулет Тұрлыхановтың ортаншы ұлы, ол  да әйел затына қол жұмсап тұр» деп жазылған тиісті видео түсініктемесінде.

«Оқиғадағы» кадрларды _eva._t қолданушысы жариялады.

«Депутаттардың ұлдары әкесінің атын осылай қорлайды! Осы Тұрлыханов Әкежан Дәулетұлы деген кісінің жолын кескен қыз баласыжоқ деп сенемін» деп жазды әйел.

Ол сондай-ақ сырылған және көгерген жерлерін көрсетті.

Сонымен қатар, журналист видеоның толық нұсқасымен бөлісті. Видеода байқалғандай, бойжеткеннің депутаттың ұлына өзі келіп ұрынып тұрғанын көруге болады.

Еске салайық, бұған дейін Алматыда адвокат Анна Чернова мен оның күйеуі Олег Черновқа шабуыл жасалған болатын. Адвокаттар қызды қорғауға тырысқан, олардың айтуынша, ол да жас жігіттен таяқ жеген. Шабуыл жасаған адам депутат Тұрлыхановтың ұлы, әскери қызметкер Нұрасыл Болат екені белгілі болды. Кейінірек парламентарий бұл ақпаратты журналистерге растады.

3 шілдеде Нұрасылдың әскери бөлімнен қашып кеткені белгілі болды. Кейін бұл ақпаратты Қорғаныс министрлігі ресми түрде растады. 4 шілде күні таңертең қорғаныс ведомствосы оны әскери полиция қызметкерлері тауып, бөлімшеге жеткізгенін хабарлады.

4 шілдеде Тұрлыханов тергеуде жатқан ұлымен мақтанатынын мойындады.