Дәулет Тұрлыханов лауазымынан айырылды

Белгілі қазақстандық балуан, мәжіліс депутаты, Қазақстанның күрес федерациясының президенті Дәулет Тұрлыханов UWW Asia президенті қызметінен босатылды, деп хабарлайды Orda.kz.

Ол бұл лауазымға 2017 жылы Нью-Делиде өткен конгрессте сайланып, сегіз жыл бойы қызмет атқарды. Осы уақыт ішінде Азия балуандары халықаралық ареналарда айтарлықтай жетістіктерге жетті.

2025 жылы Амманда (Иордания) Азия чемпионаты қарсаңында өткен Бас ассамблеяда жаңа президент сайланды. 38 елдің өкілдері дауыс берген сайлауда иорданиялық Мохаммед Әл-Авамала 34 дауыспен жеңіске жетіп, 2028 жылға дейінгі мерзімге президент болып бекітілді. Бұл Иордания мен бүкіл араб әлемі үшін тарихи жеңіс саналады, себебі елде күрес спорты кеңінен дамымаған.

Қазіргі таңда Дәулет Тұрлыханов UWW бюросының президенті болмаса да, оның мүшесі болып қала береді. Сонымен қатар, ол мәжіліс депутаты және Қазақстанның күрес федерациясының президенті қызметтерін қатар атқара береді.