Дарын Мубаровқа 865 000 теңге айыппұл салынды

Өзін «уағызшы» дейтін Дарын Мубаровтың басы тағы да дауға қалды. Ол діни материалдарды заңсыз таратқаны үшін сот шешімімен ірі көлемде айыппұл төлеуге міндеттелді, деп хабарлайды Orda.kz.

Астана қаласы Дін істері жөніндегі басқармасының мәліметінше, бұл — оның бір жыл ішіндегі екінші рет жауапқа тартылуы екен.

Бұған дейін Мубаров 2025 жылдың қазан айында дәл осындай әрекеті үшін әкімшілік жаза алған. Соған қарамастан, ол заң талаптарын тағы да бұзған.

«Аталған факт бойынша басқарма қызметкерлері Қазақстан Республикасының Әкімшілік құқық бұзушылық туралы кодексінің 490-бабы 8-бөлігі бойынша әкімшілік хаттама толтырды. Бұл норма — құқық бұзушылықты бір жыл ішінде қайталап жасағандарға қатысты қолданылады»,  деп мәлімдеді Дін істері жөніндегі басқарма.

Сот Дарын Мубаровты кінәлі деп танып, оған 200 айлық есептік көрсеткіш көлемінде айыппұл салды. Қазіргі есеп бойынша бұл 865 мың теңге болады.

Оқи отырыңыз:

• Блогер Эльмира Төлегенова сотта кінәсін мойындады
• «Аспаннан түскен байдың баласы емеспін»: Ерболат Жанәбілов кінәсін ішінара мойындады
• Жүргізуші куәлігін алу тәртібі өзгереді